ఎల్బీనగర్ ఎమ్మెల్యే సుధీర్ రెడ్డిపై ఎస్సీ, ఎస్టీ అట్రాసిటీ కేసు

ఎల్.బీ.నగర్, మార్చి18 (నేటి దర్శిని): ఎల్బీనగర్ ఎమ్మెల్యే సుధీర్ రెడ్డిపై ఎస్సీ, ఎస్టీ అట్రాసిటీ కేసు నమోదైంది. హస్తినాపురం డివిజన్ కార్పొరేటర్ సుజాత నాయక్ పోలీసులకు ఫిర్యాదు చేయడంతో ఈ కేసు నమోదైంది. తనను ఉద్దేశించి ఎమ్మెల్యే అనుచిత వ్యాఖ్యలు చేశారని ఆమె ఆరోపించారు. సుజాత నాయక్ పోలీసులకు ఇచ్చిన ఫిర్యాదులో, ప్రజా ప్రతినిధిగా ఉండి ఎమ్మెల్యే తాను మాట్లాడే తీరు అప్రస్తుతం, తనను కించపరిచేలా ఉన్నాయని పేర్కొన్నారు. ఈ ఘటనపై పోలీసులు విచారణ ప్రారంభించారు. కాగా, సోమవారం హస్తినాపురం కార్పొరేటర్ సుజాత నాయక్ తీవ్ర మనస్తాపానికి గురైన విషయం తెలిసిందే. ఆమెకు అనుకూలంగా పలువురు బలమైన మద్దతు తెలిపారు. మరోవైపు ఎమ్మెల్యే సుధీర్ రెడ్డి నుంచి ఇప్పటివరకు ఎలాంటి స్పందన రాలేదు.